JOHANNES Tezelius

JOHANNES Tezelius

Germ. Pirnâ Misnicus, praeco Indulgentiarum, Romanae sedi fatalium, a Leone X. in Germaniam missus, docebat inter alia: Se tantam babere potestatem, ut etiamsi quis Virginem Matrem polluisset, pecuniâ datâ posset scelus elui. IOh. Sleidan. de St. Relig. et Reip. l. 13. Chemnitius, in exam. part. 4. de Indulg. Quod cum audiret, paulo ante Obitum, Ioh. Ep. Misnensis, vatidico ore exclamavit, Hunc fore Indulgentiarum Instit orem ultimum. Vide Chytr. par. 1. Sax. Contra hunc itaque Lutherus. thesibus conscriptis, publice disputavit: mox, cum Indulgentiarius Nundinator non solum non cessaret, sed et Francofurti pro dogmate Pontificibus adeo lucroso dissertationem publicam haberet, plurimosque Luthero hostes excitaret, hic scriptis acerrime restitit. Plura apud Surium, Sleidan. etc. Obiit A. C. 1519.